हरयाणातील पंचकुलाच्या सेक्टर-27 मध्ये एक हृदयद्रावक घटना घडली आहे.येथे डेहराडूनमधील एका कुटुंबातील 7 जणांनी कारमध्ये विष प्राशन करून आपले जीवन संपवले. सेक्टर 27 मधील एका घराबाहेर रस्त्यावर उभ्या असलेल्या कारमध्ये सर्वांचे मृतदेह आढळल्याचे सांगण्यात येत आहे. कुटुंबावर कर्जाचा भार असल्यामुळे, या तणावातून या कुटुंबाने टोकाचे पाऊल उचलल्याचे बोलले जात आहे.
मिळालेल्या माहितीनुसार, देहरादून येथील रहिवासी प्रवीण मित्तल हे त्यांच्या कुटुंबासह पंचकुला येथील बागेश्वर धाम येथे आयोजित हनुमान कथा कार्यक्रमात सहभागी होण्यासाठी आले होते. कार्यक्रम संपल्यानंतर, देहरादूनला परतताना, त्यांनी सामूहिक आत्महत्येचे हे पाऊल उचलले. मृतांमध्ये डेहराडून येथील रहिवासी प्रवीण मित्तल (42), प्रवीणचे आई वडील, पत्नी, दोन मुली आणि एका मुलगा यांचा समावेश आहे.
घटनास्थळावरून पोलिसांना एक सुसाईड नोटही सापडली आहे. त्यामुळे पोलिसांनी या प्रकरणाचा तपास करायला सुरुवात केली आहे. सध्या हे सातही मृतदेह पंचकुला येथील खाजगी रुग्णालयात शवविच्छेदनासाठी ठेवण्यात आले आहेत. तसेच फॉरेन्सिक टीम घटनास्थळी पोहोचली असून तपासणीसाठी नमुने गोळा केले.
Comment List