मुंबईहून कोकणात जाणाऱ्या खाजगी लक्झरी बसचा कर्नाळा खिंडीत अपघात होऊन बस उलटली. ही घटना रात्री 11 वाजण्याच्या सुमारास घडली. या दुर्घटनेत बसखाली दबून दोन प्रवाशांचा मृत्यू झाल्याचे कळते तर 35 प्रवासी गंभीर जखमी झाले आहेत.
ओमकार ट्रॅव्हल्सची ही खाजगी बस मुंबईहून कोकणात प्रवासी घेऊन जात होती. चालकाचा ताबा सुटल्याने कर्नाळा खिंडी जवळ बस उलटून अपघात घडला. बस एका बाजूला उलटी झाल्याने बसमधील 35 प्रवासी आतच अडकून पडले. या दुर्घटनेत दोन गंभीर जखमी प्रवाशांचा मृत्यू आल्याचे सांगण्यात आले.
घटनेची माहिती मिळताच पोलीस आणि स्थानिकांकडून तातडीने मदतकार्य सुरू झाले. अपघातातील सर्व जखमींना तातडीने एमजीएम रुग्णालयात दाखल करण्यात आले आहे. अपघातानंतर मोठ्या प्रमाणात बचाव कार्य सुरू असल्याने मुंबई गोवा महामार्गावर दोन्ही बाजूला प्रचंड वाहतूक कोंडी झाली होती.
.jpeg)
Comment List