चालकाचे नियंत्रण सुटले अन् व्हॅन थेट विहिरीत कोसळली, 10 जणांचा मृत्यू

चालकाचे नियंत्रण सुटल्याने व्हॅन थेट विहिरीत कोसळल्याने 10 जणांचा मृत्यू झाला. चौघे जण जखमी झाले असून त्यांना उपचारासाठी रुग्णालयात दाखल करण्यात आले आहे. घटनेची माहिती मिळताच एनडीआरएफ आणि अन्य बचाव पथकांनी तात्काळ घटनास्थळी धाव घेतली. मध्य प्रदेशातील मंदसौर जिल्ह्यात रविवारी दुपारी ही दुर्घटना घडली.

मंदसौर जिल्ह्यातील कचरिया गावात ही घटना घडली. व्हॅनमध्ये लहान बालकांसह एकूण 13 जण होते. चालकाचे वाहनावरील नियंत्रण सुटल्याने व्हॅन अनियंत्रित झाली. यानंतर व्हॅन रस्त्याशेजारी असलेल्या विहिरीत कोसळली. यात व्हॅनमधील 9 जण आणि प्रवाशांचे जीव वाचवण्यासाठी विहिरीत उतरलेल्या एका तरुणाचा मृत्यू झाला.

बचाव पथकांनी तात्काळ बचावकार्य हाती घेत चौघांना विहिरीतून बाहेर काढले. चौघांना रुग्णालयात दाखल करण्यात आलं आहे. विहिरीत विषारी वायू असल्याची माहिती मिळते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.