हिंदी सिनेमात अनेक सुंदर अभिनेत्री आहेत. या अभिनेत्री उच्च शिक्षित आहेत. तर काही नट्या कमी शिकलेल्या आहेत. पण एक अभिनेत्री अशीही आहे की जिने कधी शाळेचं तोंडच पाहिलं नाही. तरीही तिने कोट्यवधी रुपये कमावले आहेत. आज त्याच अभिनेत्री विषयी आपण जाणून घेणार आहोत.
ज्या बॉलिवूडच्या आघाडीच्या अभिनेत्रीने कधीच शाळेचं तोंड पाहिलं नाही तिचं नाव आहे कटरिना कैफ. हे नाव ऐकून कदाचित तुम्हाला धक्का बसेल. आश्चर्यही वाटेल. भंकस सुरू आहे, असंही वाटेल. पण बातमी खरी आहे. त्याचं असं की, कटरिना लहाणपणापासून वेगवेगळ्या 18 देशात राहिली. त्यामुळे तिचं शालेय शिक्षण झालंच नाही.
कटरिना कैफचा जन्म ब्रिटिश हॉन्गकॉन्गमध्ये 16 जुलै 1983 रोजी झाला. ती अत्यंत लहान असतानाच तिच्या आईवडिलांचा घटस्फोट झाला. तिचं संगोपन तिच्या आईने एकटीने केलं.
कटरिनाची आई सामाजिक कार्यकर्ती आहे. त्यामुळे तिला अनेक देशात जावं लागायचं. आई जिकडे जायची तिकडे कटरिनाही जायची. वेगवेगळ्या देशात जावं लागल्याने तिला शाळेत जाण्याची अशी संधीच मिळाली नाही.
कटरिनाने शाळेत पाऊलही ठेवलं नसलं तरी ती शिक्षित आहे. या भावंडांना शिकवण्यासाठी घरी ट्युटर्स यायचे. त्यामुळेच तिला नॉलेज आहे. अनेक देशात राहिलेली कटरिना आता पूर्णपणे भारतीय झाली आहे. फिल्मी दुनियेत करिअर करण्यासाठी तिने भारताची निवड केली.
कटरिनाने मेरे ब्रदर की दुल्हन, अजब प्रेम की गजब कहानी, टायगर 3, बँग बँग, एक था टायगर, जब तक है जान आणि धूम 3 सारखे सिनेमे केले आहेत. सलमान खान आणि रणवीर कपूरसोबतचे तिचे सिनेमे चांगलेच गाजले.
2021मध्ये तिने विकी कौशलसोबत लग्न केलं. कटरिनाने फिल्मी दुनियेत प्रचंड कमाई केली आहे. तिचा नवरा विकीही अत्यंत श्रीमंत आहे. मीडिया रिपोर्ट्स नुसार कटरिनाची नेटवर्थ 225 कोटी आहे.
About The Author
Comment List