बडीशेप केवळ माउथ फ्रेशनर नाही तर बडीशेपमध्ये अनेक आरोग्यवर्धक गुणधर्म समाविष्ट आहेत. आपल्या स्वयंपाकघरात असलेल्या बडीशेपचा वापर माउथ फ्रेशनर म्हणून करतात, परंतु त्याचे फायदे त्याहूनही जास्त आहेत. शरीर निरोगी आणि मजबूत ठेवण्यात बडीशेप महत्त्वाची भूमिका बजावते. बडीशेपमध्ये फायबर, व्हिटॅमिन सी, पोटॅशियम, मॅग्नेशियम आणि कॅल्शियम सारखे आवश्यक पोषक घटक असतात. त्यात असलेले अँटीऑक्सिडंट्स आणि फिनोलिक संयुगे शरीराला रोगांशी लढण्याची शक्ती देतात.
जड जेवणानंतर तुम्हाला गॅस, अपचन किंवा जडपणा जाणवत असेल तर बडीशेप तोंडात ठेवल्याने त्वरित आराम मिळतो. ते पाचक एंजाइम सक्रिय करते आणि पोटाच्या स्नायूंना आराम देते.
Health Tips – इनडोअर गेम खेळण्याचे आरोग्यवर्धक फायदे
बडीशेप चावल्याने लाळ निर्माण होते, ज्यामुळे वारंवार खाण्याची इच्छा कमी होते. म्हणूनच वजन कमी करण्यात ते फायदेशीर मानले जाते.
बडीशेपमध्ये दाहक-विरोधी गुणधर्म असतात, जे मासिक पाळीच्या वेदना आणि सांधेदुखीपासून आराम देतात. महिलांनी ते त्यांच्या आहारात समाविष्ट केले पाहिजे.
बडीशेपमध्ये असलेले नैसर्गिक तेले श्वास ताजेतवाने करतात आणि दुर्गंधी दूर करतात. म्हणूनच जेवणानंतर खाण्याची सवय अनेकांना लागलेली आहे.
Health Tips – मधुमेहींसाठी ‘हे’ पदार्थ संजीवनीपेक्षा कमी नाहीत, वाचा
वजन कमी करण्यासाठी बडीशेप मोलाची भूमिका बजावते. बडीशेपमध्ये अँटिऑक्सिडंट असल्याकारणाने, चयापचय वाढते. तसेच यामुळे शरीरातील अतिरिक्त चरबी कमी होण्यासही मदत होते.
बडीशेप ही त्वचेसाठी सुद्धा वरदान मानली जाते. बडीशेपमध्ये झिंक, कॅल्शियम आणि सेलेनियमचे प्रमाण सर्वाधिक असते. त्यामुळेच आपली त्वचा थंड राहण्यास मदत होते. तसेच बडीशेप खाण्यामुळे चेहऱ्यावरील पिंपल्स कमी होण्यास मदत होते.
Comment List