गुजरात ATS कडून अल कायदाशी संबंधित चार संशयितांना अटक; घातपाताच्या तयारीत असल्याचा संशय

गुजरात एटीएसने मोठे यश मिळवले असून गुजरात एटीएसने अल कायदाशी संबंधित चार संशयितांना अटक केली आहे. ते बऱ्याच काळापासून सक्रिय असल्याची माहिती देण्यात आली आहे. गुजरात एटीएसचे डीआयजी सुनील जोशी म्हणाले की हे चौघेही अल कायदाच्या विचारसरणीचा प्रचार करत होते. हे दहशतवादी बऱ्याच काळापासून सक्रिय होते. त्यांना अटक करण्यात आली आहे. झिशान, फरदीन, सैफुल्ला आणि फारिक अशी अटक केलेल्यांची नावे आहेत. हे गुजरात एटीएसचे मोठे यश मानले जात आहे.

गुजरात एटीएसने अल कायदाच्या चार दहशतवाद्यांना अटक केल्याचे डीआयजी सुनील जोशी म्हणाले. ते अल कायदाशी संबंधित असून ते बऱ्याच काळापासून सक्रिय होते. यापैकी दोघांना गुजरातमधून, एकाला दिल्लीतून आणि एका दहशतवाद्याला नोएडामधून अटक करण्यात आली आहे. हे चौघेही अल कायदाच्या विचारसरणीचा प्रचार करत होते. दहशतवादी बऱ्याच काळापासून सक्रिय होते. ते सोशल मीडियाद्वारे संपर्क साधत असत. गुजरात एटीएसला मिळालेल्या गुप्त माहितीद्वारे ही कारवाई करण्यात आली आहे. एटीएसने तपास सुरू केला आणि योग्य कारवाई करण्यात आली आणि त्यानंतर त्यांना अटक करण्यात आली.

एटीएसने सांगितले की, ते सोशल मीडियाद्वारे त्यांच्या गटात लोकांना जोडत होते आणि त्यात अल कायदाचा प्रचार करत होते. याबाबतची माहिती मिळाल्यानंतर गुजरात एटीएसने झिशान, फरदीन, सैफुल्ला आणि फारिक यांना अटक केली आहे. अटक करण्यात आलेल्या आरोपींचे वय 20 ते 25 वर्षे असल्याचे सांगितले जात आहे. हे दहशतवादी मोठ्या प्रमाणात दहशतवादी कट रचत असल्याचा संशय आहे.