Ambernath Crime News: लिफ्टचा दरवाजा बंद केला म्हणून 12 वर्षांच्या मुलाला बेदम मारहाण, घटना सीसीटीव्हीत कैद

अंबरनाथमध्ये एक धक्कादायक घटना घडली आहे. येथील पालेगाव भागातील पटेल झिऑन या गृह संकुलात एका 12 वर्षांच्या मुलाला शुल्लक कारणावरून बेदम मारहाण करण्यात आली आहे. लिफ्टने घरी निघालेल्या या मुलाने लिफ्टचा दरवाजा बंद केल्याच्या रागातून इमारतीमधील एका रहिवाशाने त्याला बेदम मारहाण केली. हा संपूर्ण प्रकार सीसीटीव्ही कॅमेरात कैद झाला आहे.

मिळालेल्या माहितीनुसार, ही घटना 4 जुलैला सायंकाळी घडल्याची माहिती मिळत आहे. पीडित मुलगा हा याच इमारतीच्या 14 व्या मजल्यावर राहतो. या दिवशी तो ट्युशनहुन लिफ्टने आपल्या घरी जात होता. यावेळी 9 व्या मजल्यावर लिफ्ट थांबली आणि लिफ्टचे दरवाजे उघडले. मात्र लिफ्ट उघडल्यानंतर त्याला कोणीही समोर दिसला नाही म्हणून त्याने लिफ्टचा दरवाजा बंद केला. मात्र 9 व्या मजल्यावर राहणारा कैलाश थवानी हा लिफ्टमध्ये आला आणि लिफ्टचा दरवाजा बंद केल्याच्या रागातून त्या मुलाला मारहाण केली. दरम्यान, प्रकरणी पोलिसात गुन्हा दाखल करण्यात आला असून पोलीस याप्रकरणी अधिक तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.