Gondia News – स्टंटसाठी नको ते धाडस जीवावर बेतले, कोब्राने दंश केल्याने तरुणाचा मृत्यू

स्टंटसाठी नको ते धाडस करणे तरुणाला चांगलेच महागात पडले आहे. कोणत्याही औपचारीक प्रशिक्षणाशिवाय कोब्रा साप हातात पकडून स्टंट करताना सापाने दंश केल्याने 30 वर्षीय तरुणाचा मृत्यू झाला. लकी बगाडे असे मयत तरुणाचे नाव आहे. गोंदिया येथे ही धक्कादायक घटना घडली असून याचा व्हिडिओ सोशल मीडियावर व्हायरल झाला आहे.

कोब्राने दंश केल्यानंतर लकीला तात्काळ तुमसर येथील जिल्हा रुग्णालयात नेण्यात आले. मात्र त्याची प्रकृती गंभीर असल्याने त्यांना भंडारा येथील जिल्हा रुग्णालयात रेफर करण्यात आले. मात्र उपचारादरम्यान लकीचा मृत्यू झाला. सापासोबत स्टंट करणे लकीच्या चांगलेच अंगलट आले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.