अमेरिकेचे अध्यक्ष डोनाल्ड ट्रम्प यांनी टॅरिफ शुल्क लागू करण्याला 90 दिवसांची मुदत दिली होती. ती मुदत 9 जुलै रोजी संपणार आहे. कोणत्या देशांना किती टॅरिफ लागू करण्यात आले आहे, याबाबत विचारल्यावर डोनाल्ड ट्रम्प म्हणाले, सोमवारपर्यंत वाट बघा. यातून जगात पुन्हा टॅरिफ वॉर सुरु होण्याची शक्यता असल्याने जगाची चिंता वाढली आहे.
1 ऑगस्टपासून जगभरातील 100 देशांतून आयात केल्या जाणाऱ्या वस्तूंवर ट्रम्प टॅरिफ लागू केलं जाईल. जे 10 टक्के असेल. अमेरिकेचे ट्रेझरी सचिव स्कॉट बेसेंट यांनी याला दुजोरा दिला आहे. स्कॉट बेसेंट यांनी टॅरिफ हा जागतिक व्यापार रणनीतीला व्यापक अशी नवी सुरवात म्हटले आहे. जे देश अमोरिकेसोबत व्यापार करारासंदर्भात चर्चा करत आहेत त्या देशांसह सर्व देशांवर बेसलाईन टॅरिफ व्यापक रुपात लादण्यात येणार आहे. ब्लूमबर्गला दिलेल्या एका मुलाखतीत ते म्हणाले की आम्ही डोनाल्ड ट्रम्प यांच्यासोबत चर्चा करणार आहेत त्यांच्या बाबत कशा प्रकारचा व्यवहार करायचा यावर विचार करतोय. मला वाटतं की आम्ही जवळपास 100 देशांची यादी करत आहोत, ज्यांच्यावर किमान 10 टक्के टॅरिफ लागू असेल ते तिथून पुढं वाढू शकते. असे त्यांनी सांगितले.
अमेरिकेचे अध्यक्ष डोनाल्ड ट्रम्प सोमवारी टॅरिफबाबत महत्त्वाची घोषणा करण्याची शक्यता आहे. त्यात 12 देशांचा समावेश असेल. ट्रम्प यांनी असं म्हटलंय की त्यांनी 12 देशांसाठीच्या व्यापार पत्रावर सही केलेली आहे. या यादीतील देशांनी ते स्वीकारावं किंवा सोडून द्यावं, त्यांना ते पत्र अल्टिमेटमसह सोमवारी पाठवलं जाईल. त्यांनी 12 देशांची नावे जाहीर केलेली नाहीत. डोनाल्ड ट्रम्प यांनी 100 देशांवर 10 टक्के बेसलाइन टॅरिफची तयारी केली आहे. याशिवाय 12 देशांवर नवं टॅरिफ लागू करण्याचे संकेत दिले आहेत.
अद्याप हिंदुस्थान आणि अमेरिका यांच्यातील व्यापार करारावर समझोता झालेला नाही. टॅरिफमुळं देशाच्या निर्यातीवर परिणाम होऊ शकतो. दोन्ही देशातील व्यापार कराराच्या चर्चांना वेग आला आहे. अमेरिकेत दीर्घ काळ चर्चा होऊनही कोणत्याही कराराशिवाय हिंदुस्थानचं शिष्टमंडळ परतलं आहे. अमेरिका भारतावर कृषी आणि डेअरी क्षेत्र खुलं करण्याची मागणी करत आहे. तर हिंदुस्थान कापड, चामडे आणि रत्न याबाबतच्या तरतुदीसाठी आग्रही आहे. काही गोष्टी वगळता इतर बाबींवर सहमती झाल्याचे सांगण्यात येत आहे.
Comment List