Pune News – जगप्रसिद्ध रांजणखळग्यांवरील धोकादायक झुलता पूल अखेर बंद

Pune News – जगप्रसिद्ध रांजणखळग्यांवरील धोकादायक झुलता पूल अखेर बंद

शिरूर – पारनेर तालुक्याच्या सरहद्दीवरून वाहणाऱ्या कुकडी नदीवरील टाकळी हाजी येथील जगप्रसिद्ध कुंड अर्थात रांजणखळग्यांवरील 2011 साली बांधण्यात आलेला झुलता पूल दुरुस्तीच्या कारणास्तव अखेर पर्यटकांसाठी बंद करण्यात आला आहे. हा झुलता पूल धोकादायक अवस्थेत असल्याने स्थानिक ग्रामपंचायतीने प्रशासनाकडे मागणी करूनही त्याकडे दुर्लक्ष होत होते. या महत्वपूर्ण प्रश्नी संबंधित विभागाने तात्काळ हालचाली सुरू केल्या. यानंतर शनिवार 19 जुलै रोजी पूल रहदारीसाठी बंद करण्याची कारवाई केली. या निर्णयामुळे संभाव्य धोका टळला असून नागरिकांमधून समाधान व्यक्त होत आहे.

या धोकादायक असलेल्या झुलत्या पुलाबाबत पुणे जिल्हा परिषदेचे मुख्य कार्यकारी अधिकारी यांनी शिरूरचे गटविकास अधिकारी महेश डोके यांना पूल बंद करण्याचे आदेश दिले. त्यानुसार जिल्हा परिषद बांधकाम विभागाचे शिरूर शाखा अभियंता अनिल गावडे, टाकळी हाजीचे ग्रामविकास अधिकारी राजेंद्र खराडे, माजी उपसरपंच गोविंद गावडे, कर्मचारी सागर घोडे आणि ग्रामस्थांच्या उपस्थितीत हा झुलता पूल बंद करण्यात आला.

या झुलत्या पुलावरून केवळ 20 लोकांची ये-जा करण्याची क्षमता असताना पर्यटन हंगामात यावर 100 हून अधिक लोकांची गर्दी होत असे. त्यामुळे पूल डळमळीत होऊन दुर्घटनेचा मोठा धोका निर्माण झाला होता. पूल बंद करण्यात आल्यामुळे अपघाताचे सावट दूर झाले असून भाविक आणि पर्यटकांच्या सुरक्षिततेच्या दृष्टीने ही महत्त्वाची पावले असल्याचे स्थानिक नागरिक व ग्रामस्थांचे म्हणणे आहे.

ग्रामसभेत पारित ठरावानुसार सार्वजनिक बांधकाम विभागाकडे पूल दुरुस्ती व नवीन आरसीसी पूल उभारणीसाठी पत्रव्यवहार करण्यात आला आहे.हा झुलता पूल पूल पूर्णपणे सुरक्षित होईपर्यंत पर्यटकांना ये जा करण्यासाठी बंद ठेवण्यात येणार आहे, असे टाकळी हाजीचे सरपंच अरुणा घोडे यांनी सांगितले.

Tags:

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

धातूची माळ घालून एमआरआय मशिनजवळ गेला अन् जीव गमावून बसला, काय घडलं नेमकं? धातूची माळ घालून एमआरआय मशिनजवळ गेला अन् जीव गमावून बसला, काय घडलं नेमकं?
गळ्यात धातूची माळ घालून एमआरआय मशिनजवळ जाणं एका व्यक्तीला चांगलंच महागात पडलं आहे. धातूची माळ घालून जवळ येताच एमआरआय मशिनच्या...
पोलीस स्टेशनच्या आवारातच तरुणीचा आत्महत्येचा प्रयत्न, पीडितेवर रुग्णालयात उपचार सुरू
क्षमता 10 लोकांची अन् घुसले 17 जण, प्रवेश करताच प्रवीण दरेकरांसह सर्व लिफ्टमध्ये अडकले
Pune News – कवठे येमाईच्या सरपंचपदी मनिषा भोर यांची बिनविरोध निवड
Mumbai News – दुबईत नोकरीचे आमिष दाखवत महिलेवर अत्याचार, आरोपी अटक
लातूरमध्ये सुनील तटकरेंसमोरच राडा; छावा संघटनेने पत्ते उधळल्याने जोरदार हाणामारी
Pune News – जगप्रसिद्ध रांजणखळग्यांवरील धोकादायक झुलता पूल अखेर बंद