पुण्यात महिला सुरक्षित नाहीत असे नॅरेटिव्ह पसरवले गेले, अशा अफवा पसरवणाऱ्यांना सोडणार नाही असा इशारा पुणे पोलीस आयुक्त अमितेश कुमार यांनी दिला आहे.
पुण्यात एका महिलेने आपल्यावर बलात्कार झाल्याचे म्हटले होते. पण ही तक्रार खोटी निघाली. त्यावर अमितेश कुमार म्हणाले की, फक्त दोन दिवसांपूर्वी पुणे शहर पोलिसांसमोर एक घटना आली होती, ज्याचा वापर करून काही लोकांनी असं दाखवण्याचा प्रयत्न केला की पुण्यात महिला सुरक्षित नाही, कायदा सुव्यवस्था पूर्णपणे ढासळली आहे, असे चित्र निर्माण केले गेले. मात्र, पोलिस प्रशासनाच्या पूर्ण ताकदीने आम्ही हा प्रकार 24 तासांत उघडकीस आणला. पुणे हे देशातील सुरक्षित शहरांपैकी एक मानलं जातं, त्यामुळे अशा खोट्या गोष्टी पसरवून कोणीही पुणे शहराची बदनामी करू नये असे आवाहन करत अफवा पसरवणाऱ्यांना सोडणार नाही असेही कुमार म्हणाले.
.jpeg)
Comment List