Mumbai News – बाईकवरून ट्रिपल सीट पिकनिकला चालले होते, वाटेत भीषण अपघातात दोघांचा मृत्यू एक जखमी

बाईकवरून ट्रिपल सीट पिकनिकला जात असताना बाईकला अपघात होऊन दोघांचा जागीच मृत्यू झाला. एक जण गंभीर जखमी झाला असून त्याला उपचारासाठी जवळच्या रुग्णालयात दाखल करण्यात आले आहे. मुंबईतील गोराई परिसरात मंगळवारी सकाळी हा अपघात घडला. अपघाताची माहिती मिळताच पोलिसांनी तात्काळ घटनास्थळी धाव घेत मदतकार्य सुरू केले.

मिळालेल्या माहितीनुसार, तिघेही तरुण सायन कोळीवाडा येथील रहिवासी आहेत. तिघे गोराई येथे पिकनिकसाठी आले होते. यावेळी वैराल तलावाजवळील रस्त्यावर पाणी साचल्याने त्यांची दुचाकी घसरली. दुचाकीचालकाला गाडी नियंत्रित करता आली नाही. यामुळे अपघात झाला आणि दोन तरुणांचा जागीच मृत्यू झाला तर तिसरा गंभीर जखमी झाला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.