डोंबिवली-सीएसएमटी लोकलमध्ये लेडीज डब्यात पुन्हा राडा! शिव्यांची लाखोली वाहत महिलांनी एकमेकींच्या झिंज्या उपटल्या

काही दिवसांपूर्वी विरार लोकलमध्ये महिलांच्या डब्यात तुफान हाणामारी केल्याची घटना घडली होती. यावेळी एका महिलेला गंभीर मारहाण करण्यात आली होती. ही घटना ताजी असतानाच आता डोंबिवली लोकलमध्ये या घटनेची पुनरावृत्ती झाली आहे. डोंबिवलीहून सीएसएमटीकडे जाणाऱ्या लोकलमध्ये मंगळवारी सकाळी महिलांच्या डब्यात जोरदार हाणामारी झाली. या घटनेचा व्हिडिओ सोशल मीडियावर व्हायरल झाला आहे.

सकाळी 8.20 वाजता डोंबिवलीहून सीएसएमटीकडे जाणाऱ्या लोकलमध्ये ही घटना घडली. महिलांनी एकमेकींना धक्का दिला, शिवीगाळ करत एकमेकींच्या झिंज्या उपटल्या. लोकलमधील महिलांच्या डब्यात हाणामारी होण्याच्या घटनांमध्ये वाढ झाली आहे. यामुळे अन्य प्रवाशांना नाहक त्रास सहन करावा लागत आहे. रेल्वे प्रशासनाने याकडे गांभीर्याने लक्ष देण्याची आवश्यकता आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.