प्रांजल खेवलकर यांनी ड्रग्ज सेवन केले नव्हते; फॉरेन्सिकचा अहवाल

खराडीतील कथित ड्रग्ज पार्टीत प्रांजल खेवलकर यांनी अमली पदार्थांचे सेवन केले नव्हते, असा निष्कर्ष फॉरेन्सिक तपासणीत निघाल्याने प्रकरणात मोठा ट्विस्ट आला आहे. राष्ट्रवादी काँग्रेस शरदचंद्र पवार पक्षाच्या महिला प्रदेशाध्यक्षा रोहिणी खडसे यांचे पती व माजी मंत्री एकनाथ खडसे यांचे जावई असलेल्या खेवलकर यांना यामुळे मोठा दिलासा मिळाला आहे. 27 जुलै रोजी पोलिसांनी खराडीतील हॉटेलवर छापा टाकून खेवलकर यांच्यासह सात जणांना अटक केली होती. ठिकाणावरून कोकेन व गांजा जप्त केला होता.

अटकेनंतर आरोपींचे रक्त नमुने तपासणीसाठी पाठवण्यात आले होते. त्यात खेवलकर यांच्याकडून ड्रग्ज सेवनाचे पुरावे मिळाले नाहीत. तथापि, पोलिसांनी सादर केलेल्या चार्जशीटमध्ये त्यांच्या इन्स्टाग्राम चॅटमध्ये ड्रग्ज मागवण्याचे संदेश असल्याचा उल्लेख आहे. त्यामुळे सेवनाच्या आरोपातून ते मुक्त झाले असले, तरी पार्टीचे आयोजन व पुरवठय़ाचा तपास सुरू आहे. खेवलकर यांना 25 सप्टेंबर रोजी जामीन मिळाला असून ते दीड महिन्याहून अधिक काळ तुरुंगात होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.