छत्तीसगडमध्ये नक्षलवाद्यांनी पेरलेला आयईडी काढताना स्फोट, दोन जवान जखमी

छत्तीसगडमधील दंतेवाडा जिल्ह्यात नक्षलवाद्यांनी पेरलेला आयईडी काढताना त्याचा स्फोट झाला. या स्फोटात दोन जवान जखमी झाले असून जखमीपैकी एका जवानाची प्रकृती चिंताजनक आहे. पोलिसांनी दिलेल्या माहितीनुसार, जिल्हा मुख्यालयापासून सुमारे 40 किमी अंतरावर असलेल्या बारसूर मार्गावर हा स्फोट झाला.

सीआरपीएफचे एक पथक गुरुवारी सकाळी या भागात नक्षलवाद्यांनी पेरलेले भुसुरुंग निकामी करत होते. यादरम्यान आयईडीचा स्फोट झाला आणि यात दोन जवान जखमी झाले. जखमी झालेले जवान सीआरपीएफच्या 195 बटालियनचे आहेत. या स्फोटात बॉम्ब शोधक आणि निकामी पथक (बीडीडीएस) पथकाचा जवान गंभीर जखमी झाला आहे. सध्या जखमींवर दंतेवाडा रुग्णालयात उपचार सुरू आहेत. पुढील उपचारासाठी त्यांना विमानाने रायपूरला नेण्यात येईल, असे दंतेवाडाचे पोलीस अधीक्षक गौरव राय यांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.