टेक ऑफनंतर काही वेळातच इंजिनला आग, एअर इंडियाच्या विमानाचे आपत्कालीन लँडिंग

उड्डाण घेतल्यानंतर काही वेळातच इंजिनला आग लागल्याने एअर इंडियाच्या विमानाचे आपत्कालीन लँडिंग करण्यात आले. सर्व प्रवाशांना सुरक्षित बाहेर काढण्यात आले. दिल्लीहून इंदूरला जाणाऱ्या विमानात रविवारी ही घटना घडली. प्रवाशांसाठी पर्यायी विमानाची व्यवस्था करण्यात आली आहे. तसेच विमान चौकशीसाठी ग्राऊंड करण्यात आले आहे, असे एअर इंडियाच्या प्रवक्त्यांनी सांगितले.

एअर इंडियाचे विमान AI2913 ने रविवारी नियमित वेळेनुसार दिल्ली विमानतळावरून इंदूरसाठी उड्डाण घेतले. मात्र काही वेळातच उजव्या बाजूच्या इंजिनमध्ये आग लागल्याचे संकेत कॉकपिट क्रूला मिळाले. मानक प्रक्रियेनुसार कॉकपिट क्रूने तात्काळ इंजिन बंद केले. यानंतर विमान पुन्हा दिल्ली विमानतळावर सुरक्षित उतरवण्यात आले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.