Operation Sindoor- पाकिस्तानने अमृतसरवर केलेला हल्ला, हिंदुस्थानी सैन्याने परतवुन लावला

पाकिस्तानने अमृतसर, राजौरी, पूंछ, अखनूरसह हिंदुस्थानातील अनेक शहरांवर हल्ला केला. असे सांगितले जात आहे की हे हल्ले ड्रोनने करण्यात आले होते, जे हवाई संरक्षण यंत्रणेने हवेतच रोखले. गुरुवार 8 मे रोजी पाकिस्तानने हिंदुस्थानातील अनेक शहरांवर हल्ला केला. यामध्ये पंजाबमधील अमृतसर शहराचाही समावेश होता. अमृतसरमध्ये एकामागून एक अनेक स्फोटांचे आवाज ऐकू आल्याचे सांगण्यात येत आहे, ज्यामुळे शहरातील लोक घाबरले. तथापि, संरक्षण दलांनी पाकिस्तानने केलेल्या हल्ल्यांना योग्य उत्तर दिले. हिंदुस्थानी सैन्याने कडक कारवाई केली आणि पाकिस्तानी लढाऊ विमाने जमिनदोस्त केली. पाकिस्तानने डागलेली क्षेपणास्त्रे हिंदुस्थानच्या एस-400 ने हवेतच नष्ट केली.

amritsar-station

हिंदुस्थानी सैन्याने पाकिस्तानच्या अनेक शहरांना लक्ष्य केले आणि अनेक बॉम्बस्फोट केले. या शहरांमध्ये पाकिस्तानची राजधानी इस्लामाबाद, कराची आणि इतर अनेक शहरांचा समावेश आहे. या स्फोटांमुळे पाकिस्तानातील अनेक शहरांमध्ये आग लागली.

सध्याच्या घडीला कठोर कारवाईमुळे पाकिस्तानमध्ये घबराट पसरली. हिंदुस्थानने पाकिस्तानवर 100 क्षेपणास्त्रे डागली. पाकिस्तानच्या पंतप्रधानांच्या घराजवळ एक स्फोट झाला. हवाई दलाने पाकिस्तानी सैन्याची अनेक विमाने पाडली. यासोबतच पाकिस्तानी वैमानिकालाही ताब्यात घेण्यात आले. हिंदुस्थानच्या या कृतीमुळे पाकिस्तानमध्ये घबराट निर्माण झाली. पाकिस्तानमध्ये एक आपत्कालीन बैठक बोलावण्यात आली. पाकिस्तानच्या पंतप्रधानांनाही लपून बसावे लागले. हिंदुस्थानी हल्ल्यांमुळे पाकिस्तानचे पंतप्रधान शाहबाज शरीफ बंकरमध्ये लपले असल्याचे समजते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.