गिरणी कामगारांना मुंबईतच घरे मिळणार

गिरणी कामगारांचा त्याग लक्षात घेता घराच्या प्रश्नावर बंद गिरण्या किंवा अन्य पर्यायावर विचार व्हावा, असे निर्देश राज्याचे उपमुख्यमंत्री व गृहनिर्माण मंत्री एकनाथ शिंदे यांनी अधिकाऱ्यांना दिले आहेत.

गिरणी कामगारांच्या गृहनिर्माण प्रश्नावर उपमुख्यमंत्री एकनाथ शिंदे यांनी सह्याद्री अतिथीगृहात सर्व संबंधितांची बैठक बोलावली होती. या बैठकीत हा निर्णय घेण्यात आला. राष्ट्रीय मिल मजदूर संघाच्या वतीने बोलावण्यात आलेल्या कामगार आणि वारसांच्या बैठकीत अध्यक्ष आमदार सचिन अहिर यांनी 1 मे पर्यंत हा प्रश्न सुटला नाही तर एल्गार आंदोलनाचा इशारा दिला होता. या पार्श्वभूमीवर उपमुख्यमंत्र्यांनी गिरणी कामगार घराच्या प्रश्नावर कामगार संघटना नेत्यांसह संबंधितांचीही तातडीने बैठक बोलावून गिरणी कामगारांना मुंबईतच घरे उपलब्ध करून देण्याबाबत एनटीसीसोबत तातडीने बैठक घेण्याचे निर्देश दिले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.