दादर येथे आज एमपीएससी स्पर्धा परीक्षा प्रशिक्षण वर्ग शुभारंभ सोहळा, शिवसेना आणि जाणीव ट्रस्टच्या वतीने आयोजन

शिवसेना आणि जाणीव ट्रस्टतर्फे विभागातील होतकरू विद्यार्थ्यांसाठी आयोजित एमपीएससी स्पर्धा परीक्षा प्रशिक्षण वर्गाचा शुभारंभ सोहळा उद्या 1 मे रोजी दुपारी 3.30 वाजता दादरच्या चित्रा सिनेमाजवळील महानगर टेलिफोन निगम कामगार संघाच्या कार्यालयात होणार आहे.

शिवसेना नेते-खासदार आणि जाणीव ट्रस्टचे अध्यक्ष अरविंद सावंत यांच्या संकल्पनेतून होणाऱया या प्रशिक्षण वर्गाच्या शुभारंभ सोहळ्याला शिवसेना नेते सुभाष देसाई यांची प्रमुख उपस्थिती असणार आहे. प्रशिक्षण वर्गाची सुरुवात 20 मेपासून होणार असून तज्ञ, अनुभवी प्रशिक्षक मार्गदर्शन करणार आहेत.

मर्यादित विद्यार्थ्यांना प्रवेश दिला जाणार आहे. अधिक माहिती आणि प्रवेश प्रक्रियेसाठी नजीकच्या शिवसेना शाखेत संपर्क साधावा, असे आवाहन करण्यात आले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.