लोकसभा निवडणूक लढण्यावरून राष्ट्रीय समाज पक्षाचे अध्यक्ष महादेव जानकर कुटुंबात मतभेद निर्माण झाले आहेत. पुतण्या स्वरूप जानकर याचा माढा मतदारसंघातून काका महादेव जानकर यांनी लढण्याचा आग्रह होता; मात्र त्यांनी परभणी मतदारसंघाची निवड केल्याने ते नाराज झाले आहेत.
माढा मतदारसंघात विजय मिळण्याची शक्यता असताना महादेव जानकर यांनी परभणीची निवड केली. त्यावरून जानकर कुटुंबात टोकाचे मतभेद झाले आहेत. भाजपच्या दबावापुढे झुकत त्यांनी महायुतीकडून परभणीची उमेदवारी स्वीकारल्याचे स्वरूप जानकर यांचे म्हणणे आहे.
सोयीचे राजकारण करणाऱया भाजपला धडा शिकविण्यासाठी स्वरूप यांनी माढय़ातून महायुतीच्या उमेदवाराविरोधात निवडणूक लढवण्याचा निर्णय घेतला आहे. 14 एप्रिल रोजी ते कोणत्या पक्षाकडून लढणार हे जाहीर करणार आहेत.
.jpeg)
Comment List