शहरातील संजयनगरमधील रस्त्यावरील अतिक्रमणाबाबत महापालिकेत अर्ज दिल्याच्या कारणावरून शासकीय ठेकेदारावर नऊजणांनी प्राणघातक हल्ला केल्याची घटना घडली. मनपा अधिकाऱयांसमोरच संशयितांनी ठेकेदारावर दगडाने हल्ला केला. हल्लेखोर संशयितांमध्ये भाजपच्या स्थानिक पदाधिकाऱयाचे नाव असून त्यानेच चिथावणी दिल्याचे समोर आले आहे.
ठेकेदार प्रमोद शरद काळे (इंदिरा कॉलनी, संजयनगर) हे जखमी झाले आहेत. याप्रकरणी संजयनगर पोलिसांनी गुन्हा दाखल केला आहे. पोलिसांनी भाजपाचा पदाधिकारी दीपक रामण्णा माने, दत्ता सरगर, सविता सरगर, पम्माबाई दाजी सरगर, प्रतिभा दीपक माने, गोविंद सरगर, दाजी सरगर आणि स्वाती सरगर (सर्व रा. संजयनगर) यांच्यावर गुन्हा दाखल केला आहे. प्रमोद काळे यांनी इंदिरा कॉलनीमधील तीस फुटी रस्त्यावरील अतिक्रमण काढून घेण्यासाठी मनपात अर्ज केला होता.
याबाबत आज दुपारी महापालिका नगररचनाचे अधिकारी मगदूम आणि अतिक्रमण विभागाचे घोरपडे हे दोघे पाहणी करण्यासाठी गेले होते. यावेळी प्रमोद काळे यांच्यावर हल्ला करण्यात आला.
.jpeg)
Comment List