खेकडाबहाद्दर मंत्र्याचा ऍम्ब्युलन्स खरेदीत साडेसहा हजार कोटींचा महाघोटाळा, रोहित पवार यांचा गौप्यस्फोट

राज्याच्या आरोग्य विभागात अॅम्बुलन्स खरेदीत तब्बल साडेसहा हजार कोटींचा घोटाळा झाला आहे. आरोग्य विभागाने अॅम्बुलन्स पुरवठा करणाऱया सुमित आणि बीव्हीजी कंपन्यांना नियमबाह्य टेंडर दिले. यात मिंधे गटाचे आरोग्य मंत्री तानाजी सावंत यांनी वाढीव दराने टेंडर देऊन हा घोटाळा केला आहे. त्यामुळे आरोग्य मंत्री राज्याचा आरोग्य विभागच पोखरत आहेत, असा गौप्यस्फोट करत मंत्री तानाजी सावंत यांनी राजीनामा द्यावा, अशी मागणी राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी पत्रकार परिषदेत केली. या वेळी रोहित पवार यांनी जिवंत खेकडा दाखलवला.

रोहित पवार यांनी गेल्या आठवडय़ात दूध आणि शालेय पोषण आहारातील गैरव्यवहार पुढे आणला होता. त्यानंतर आज त्यांनी आरोग्य विभागातील घोटाळ्याचे बिंग फोडले. रोहित पवार म्हणाले, आदिवासी, मागासवर्गीय विद्यार्थ्यांच्या दूध, भोजनात भ्रष्टाचार करणाऱया सरकारमधील मंत्र्यांनी लोकांचा जीव वाचवणाऱया अॅम्बुलन्समध्येही घोटाळा केला आहे. निवडणुकीला फंड देण्यासाठी बीव्हीजी आणि सुमित पंपनीवर मेहरबानी दाखवली जात आहे. आरोग्य मंत्री तानाजी सावंत यांनी हा घोटाळा केला असून राज्याला भिखारी केले आहे. या पैशांचा वापर निवडणुकीसाठी करण्याचा प्रयत्न आहे. स्वच्छता कामाचे टेंडर अचानकपणे मोठय़ा प्रमाणात वाढवण्यात आले. राज्यात अत्यावश्यक सेवांसाठी दावोसमधील एक स्पॅनिश कंपनीला टेंडर दिले. हे टेंडर पिंपरी-चिंचवड येथील सुमित कंपनीने डिझाईन केले होते. या टेंडरमध्ये भागीदार करत सुमित पंपनीलाही नियमबाह्य पद्धतीने अॅम्बुलन्स पुरवण्याचे पंत्राट दिले. सुमित पंपनीला काम मिळाल्यानंतर त्यांच्याविरुद्ध तक्रार करणाऱया बीव्हीजी कंपनीलाही नाराज न करता त्यांनाही टेंडरमध्ये सामावून घेण्यात आले. बीव्हीजी कंपनीला अनेक ठिकाणी काळ्या यादीत टाकण्यात आले आहे. असे असतानाही त्यांना या टेंडरमध्ये सहभागी करून घेण्यात आले आहे. या घोटाळ्याबाबत आमच्याकडे सर्व पुरावे आहेत. तानाजी सावंत यांनी पाच दिवसांत बाजू मांडावी, सरकारनेही या प्रकरणाची सखोल चौकशी करावी, अशी मागणीही त्यांनी या वेळी केला.

खेकडा महाराष्ट्राला पोखरतोय

खेकडय़ाने पोखरल्यामुळे धरणांना गळती लागली या तानाजी सावंत यांच्या विधानाचा आधार घेत रोहित पवार म्हणाले, तानाजी सावंत यांच्याकडून अॅम्बुलन्स खरेदी प्रकरणात साडेसहा हजार कोटी रुपयांचा घोटाळा करण्यात आला आहे. खेकडा वळवळ करतो, धरण पोखरतो, बिळात जाऊन बसतो, लोकांचे लक्ष कमी झाले की पुन्हा बाहेर येतो. खेकडा महाराष्ट्राला पोखरतोय, असा टोलाही लगावला.

पत्रकार परिषदेत दाखवला जिवंत खेकडा

आमदार रोहित पवार यांनी भर पत्रकार परिषदेतच जिवंत खेकडा आणला होता. दोरीने बांधलेला जिवंत खेकडा वर उंचावून दाखवताना हा खेकडा आता खूप वळवळ करतो, त्याला बांधून ठेवण्याची वेळ आली आहे, असा टोला त्यांनी तानाजी सावंत यांना लगावला.