नेपाळमध्ये हिमस्खलन, सात जणांचा मृत्यू; चार जखमी

सोमवारी ईशान्य नेपाळमध्ये सोमवारी झालेल्या हिमस्खलनात सात जणांचा मृत्यू झाला आणि चार जण जखमी झाले आहेत. यालुंग री शिखरावर ही दुर्घटना घडली. शिखराच्या बेसकॅम्पवर हिमस्खलन झाले. चार जण अद्याप बेपत्ता असून त्यांचा शोध सुरू आहे. हे शिखर बागमती प्रांतातील दोलखा जिल्ह्यातील रोलवालिंग खोऱ्यात आहे. मृतांमध्ये तीन अमेरिकन नागरिक, एक कॅनेडियन, एक इटालियन आणि दोन नेपाळी नागरिकांचा समावेश आहे, असे जिल्हा पोलीस कार्यालयाचे पोलीस उपअधीक्षक ज्ञानकुमार महातो यांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.