अवैधरीत्या गुटख्याची वाहतूक करणाऱया तरुणाला विटा पोलिसांनी अटक केली आहे. त्याच्याकडून 20 लाख 65 हजार रुपये किमतीचा गुटखा जप्त करण्यात आला आहे.
हृषीकेश चंद्रकांत कदम (वय 22, रा. दारुज, ता. खटाव, जि. सातारा असे अटक केलेल्या तरुणाचे नाव आहे.
गुहागर ते विजापूर रस्त्यावरून एका बोलेरो पिकअपमधून विटय़ाच्या दिशेने अवैध गुटख्याची वाहतूक होणार असल्याची माहिती पोलिसांना मिळाली होती. त्यानुसार पोलिसांनी सापळा रचला. मात्र, इशारा देऊन पिकअप गाडी थांबली नाही. त्यामुळे पोलिसांनी पाठलाग करत पिकअप रोखली. त्यावेळी गाडीमध्ये द्राक्ष भरण्याच्या कॅरेटमध्ये सुगंधित तंबाखू, पानमसाला व गुटखा असल्याचे आढळून आले. चालक हृषीकेश चंद्रकांत कदम याला ताब्यात घेतले आहे. पिकअपमधील 39 पोत्यांतील 8580 पॅकेट व वेगवेगळ्या पोत्यांमध्ये विमल पान मसाल्याच्या पुडय़ा व 7 लाख रुपये किमतीची पांढऱया रंगाची बोलेरो पिकअप असा एकूण 20 लाख 65 हजार रुपये किमतीचा मुद्देमाल जप्त करण्यात आला आहे. पोलीस उपनिरीक्षक सचिन शेंडकर अधिक तपास करीत आहेत.
.jpeg)
Comment List