चणकापूर आश्रमशाळेतील विद्यार्थ्याचा मृत्यू, मुख्याध्यापकांच्या टेबलावर मृतदेह ठेवून पालकांचा आक्रोश

तालुक्यातील चणकापूर शासकीय आश्रमशाळेतील तापाने फणफणलेल्या रोहित बागुल या दहा वर्षीय विद्यार्थ्याचा रविवारी मृत्यू झाला. उपचारांकडे दुर्लक्ष केल्याचा आरोप करीत संतप्त पालकांनी मुख्याध्यापकांच्या टेबलावर पाच तास मृतदेह ठेवून आक्रोश केला. आदिवासी आयुक्तालयाने अधीक्षकासह मुख्याध्यापकाला बडतर्फ केल्यानंतरच नातेवाईकांनी मृतदेह ताब्यात घेत सरले दिगर गावी मुलावर अंत्यसंस्कार केले.

या आश्रमशाळेत सरले दिगर येथील रोहित विलास बागुल (10) हा इयत्ता तिसरीत शिकत होता. तो शुक्रवारपासून आजारी होता. मात्र आश्रमशाळेने वेळेत लक्ष दिले नाही, असा आरोप होत आहे. तो मित्राच्या पालकांसमवेत घरी आला तेव्हा तापाने फणफणला होता. त्याला मध्यरात्री अभोणा येथील खासगी रुग्णालयात नेले. मात्र, उशीर झाल्याने उपचार मिळाले नाहीत. कळवण उपजिल्हा रुग्णालयात दाखल केले. मात्र त्याचा मृत्यू झाला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.