टेकऑफच्या तयारीत असतानाच पक्षी धडकला, एअर इंडिया एक्सप्रेसचे विमान रद्द

टेक ऑफच्या तयारीत असतानाच विमानाला पक्षी धडकल्याने एअर इंडिया एक्सप्रेसचे विमान गुरुवारी रद्द करण्यात आले. विमानात 90 प्रवासी होते. नियोजित विमानाचे उड्डाण रद्द केल्यानंतर प्रवाशांना पर्यायी विमानाची व्यवस्था करण्यात आली.

एअर इंडिया एक्सप्रेसचे विमान गुरुवारी नियोजित वेळेत विजयवाडा विमानतळावरून बंगळुरूसाठी उड्डाण घेणार होते. मात्र उड्डाणाच्या तयारीत असतानाच विमानाच्या पुढील भागाला पक्षाने धडक दिली. यामुळे विमानाचे उड्डाण रद्द करावे लागले. प्रवाशांना बंगळुरूला जाण्यासाठी पर्यायी विमानाची व्यवस्था करण्यात आली.

एअर इंडिया एक्सप्रेसने एक निवेदन जारी करत प्रवाशांना झालेल्या गैरसोयीबद्दल दिलगिरी व्यक्त केली आहे. एअरलाईन्सकडून सर्व प्रवाशांना मोफत दुसऱ्या विमानाची तिकिट बुक करणे किंवा तिकिट रद्द करायचे असल्यास पूर्ण रिफंडचे पर्याय देण्यात आले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.