425 कोटींच्या बँक घोटाळ्याप्रकरणी ईडीची दिल्ली, पुण्यात छापेमारी

तब्बल 425 कोटी रुपयांच्या बँक घोटाळ्याप्रकरणी ईडी अर्थात अंमलबजावणी संचालनालयाने दिल्ली आणि पुण्यात 10 ठिकाणी छापेमारी केली. पीएमएलए कायद्यांतर्गत ही कारवाई करण्यात आली. सीबीआयने पंजाब नॅशनल बँकेने (आधीची ई-ओबीसी) केलेल्या तक्रारीनंतर ही छापेमारी केली.

दिल्लीत 9 आणि पुण्यात एका ठिकाणी ईडीने छापेमारी केली. जीईआयपीएल अर्थात मेसर्स गुप्ता एग्झिम इंडिया प्रायव्हेट लिमिटेड कंपनी आणि संचालकांवर 425 कोटी रुपयांचे कर्ज बुडवल्याचा आरोप आहे. कर्जाचा हा निधी कंपनीने विविध संस्थांमध्ये वळता केला. या संस्था जीईआयपीएल कंपनीशी कुठल्याही प्रकारे निगडित नव्हत्या. तसेच कर्जाचा निधी कुठल्याही वैध कामांसाठीही वापरण्यात आला नाही. हा निधी कथितरीत्या कंपनीच्या संचालकांनी त्यांच्या जवळच्या व्यक्ती किंवा नातेवाईकांशी संबंधित ठिकाणी वळता केल्याचा आरोप आहे. या पार्श्वभूमीवर पीएमएलए कायद्यांतर्गत ईडीने ही कारवाई केली.

Tags: Politics पुणे Pune राजकीय

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.