JNU मध्ये छत्रपती शिवाजी महाराजांचा पुतळा उभारणार, दिल्लीत मुख्यमंत्री फडणवीसांची माहिती

जवाहरलाल नेहरू विद्यापीठात (जेएनयू) आज मुख्यमंत्री देवेंद्र फडणवीस यांच्या हस्ते छत्रपती शिवाजी महाराज सामरिक आणि संरक्षण विशेष अध्यासन केंद्राचा कोनशिला समारंभ आणि कुसुमाग्रज मराठी भाषा, साहित्य आणि संस्कृती विशेष अध्यासन केंद्राचं उद्घाटन करण्यात आलं. यावेळी उपस्थितांना संबोधित करताना मुख्यमंत्री फडणवीस म्हणाले की, “जेएनयूमध्ये मराठी भाषेचं अध्यासन होत आहे. मराठी ही देशातील अतिशय प्राचीन भाषा आहे.” तसेच त्यांनी जेएनयूमध्ये छत्रपती शिवाजी महाराजांचा पुतळा उभारणार असल्याची घोषणाही यावेळी केली.

दरम्यान, जेएनयूमध्ये येथे पोहोचताच मुख्यमंत्री देवेंद्र फडणवीस यांच्याविरोधात स्टुडंट फेडरेशन ऑफ इंडिया (SFI) या संघटनेच्या विद्यार्थ्यांनी आंदोलन करत घोषणाबाजी केली. देवेंद्र फडणवीस, उपमुख्यमंत्री एकनाथ शिंदे गो बॅक, अशा घोषणा विद्यार्थ्यांनी दिल्या.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.