उपकुलसचिव आत्महत्येप्रकरणी चौकशी समिती, चंद्रकांत पाटील यांनी दिली माहिती

डॉ. बाबासाहेब आंबेडकर विद्यापीठाच्या उपकुलसचिव हेमलता ठाकूर यांनी विद्यापीठाच्या कुलगुरू डॉ. विजय फुलारी व कुलसचिव डॉ. प्रशांत अमृतकर यांच्यावर मानसिक छळ केल्याचा आरोप सुसाईड नोटमध्ये करत आत्महत्येचा प्रयत्न केला. याप्रकरणी चौकशीसाठी राज्यपालांच्या आदेशानुसार निवृत्त न्यायाधीश पी.एस. परांजपे यांची समिती नेमली आहे. या समितीचा अहवाल आल्यानंतर कारवाई केली जाईल, अशी माहिती उच्च व तंत्रशिक्षणमंत्री चंद्रकांत पाटील यांनी विधान परिषदेत दिली.

विधान परिषदेत विरोधी पक्षनेते अंबादास दानवे यांनी 289 च्या प्रस्तावाद्वारे उपकुलसचिव हेमलता ठाकूर यांच्या आत्महत्येचा मुद्दा उपस्थित केला. जर विद्यापीठाच्या एखाद्या उपकुल सचिवाचा अशा पद्धतीने छळ होत असेल तर काम करणाऱया महिला सुरक्षित आहेत काय, असा सवाल करत संबंधितांवर कारवाई करा, अशी मागणी दानवे यांनी केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.