Hit & Run – भरधाव टाटा सफारीची दुचाकी आणि पादचाऱ्यांना धडक, 4 जणांचा मृत्यू; अनेक जण गंभीर जखमी

काळजाचा थरकाप उडवणारी हिट अँड रनची एक घटना समोर आली आहे. बेदरकारपणे गाडी चालवत दुचाकींसह पादचाऱ्यांना चिरडल्याची घटना शुक्रवारी सकाळी 10.15 च्या सुमारास घडली. या अपघातात चौघांचा मृत्यू झाला असून अनेक जण गंभीर जखमी झाले आहेत. घटनेची माहिती मिळताच पोलिसांनी घटनास्थळी धाव घेतली. जखमींना उपचारासाठी जवळच्या रुग्णालयात दाखल करण्यात आले आहे.

गुजरातच्या गांधीनगरच्या रणदेसन परिसरात मद्यधुंद सफारी चालकाने पादचारी आणि दुचाकींना धडक दिली. यात एका महिलेसह चौघांचा जागीच मृत्यू झाला तर अनेक जण गंभीर जखमी झाले. भरधाव सफारी भाजीपुरा ते सिटी पल्स सिनेमाकडे चालली होती.

पोलिसांकडून अपघाताचा तपास सुरू आहे. पोलिसांनी प्रत्यक्षदर्शींचे जबाब नोंदवले आहेत. पोलिसांनी परिसरातील सीसीटीव्ही फुटेजही ताब्यात घेतले आहेत. सदर कार हितेश विनुभाई पटेल याच्या नावे असून कार चालक स्वतः गाडी चालवत होता. चालकाला अटक करण्यात आली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.