‘तुम्ही वारंवार बहिणीकडे राहायला का जाता?’ हा राग मनात धरून जन्मदात्या बापाला लाथाबुक्क्यांनी मारहाण करून गंभीर जखमी केले. उपचारादरम्यान पित्याचा मृत्यू झाला. ज्ञानेश्वर नाथा खंडागळे (वय – 55, रा. मांजरवाडी, ता. जुन्नर) असे मृत्यू झालेल्या पित्याचे नाव आहे, तर गणेश ज्ञानेश्वर खंडागळे (वय – 38) असे मुलाचे नाव असून त्याला पोलिसांनी बुधवारी अटक केली आहे.
याबाबत सहायक पोलीस निरीक्षक महादेव शेलार यांनी माहिती दिली. मांजरवाडी येथे ज्ञानेश्वर नाथा खंडागळे यांच्या गणेश खंडागळे या माथेफिरू मुलाने दोन दिवसांपूर्वी (दि. 16) वडिलांना ‘तुम्ही बहिणीकडे का जाता’ या कारणावरून शिवीगाळ व दमदाटी केली. तो एवढ्यावरच थांबला नाही, त्याने वडिलांना खाली पाडून छातीवर व पोटावर आणि डोक्यावर केले. जोरजोरात लाथा मारून गंभीर जखमी केले
बाजूच्या एका व्यक्तीने याबाबतची माहिती नारायणगाव पोलीस स्टेशनला फोनवरून दिली. घटनेचे गांभीर्य ओळखून तातडीने पोलीस घटनास्थळी दाखल झाले. ज्ञानेश्वर खंडागळे गंभीर जखमी झाल्याने त्यांना तातडीने पोलिसांनी नारायणगाव येथील खासगी रुग्णालयात उपचारासाठी दाखल केले. पोलीस शिपाई आनंदा चौगुले यांनी याबाबतची फिर्याद दाखल केली.
दरम्यान, ज्ञानेश्वर नाथा खंडागळे यांचा उपचारादरम्यान गुरुवारी (दि. १७) मृत्यू झाला. वडिलांच्या मृत्यूस कारणीभूत झालेल्या माथेफिरू मुलास पोलिसांनी तत्काळ अटक केली असून याबाबतचा पुढील तपास उपविभागीय पोलीस अधिकारी रवींद्र चौधर यांच्या मार्गदर्शनाखाली सहायक पोलीस निरीक्षक महादेव शेलार करीत आहेत.
.jpeg)
Comment List