रॉयटर्स वृत्तसंस्थेचे एक्स अकाउंट ब्लॉक; याबाबत कोणतेही निर्देश दिले नसल्याची केंद्राची माहिती

आंतरराष्ट्रीय वृत्तसंस्था रॉयटर्सचे अधिकृत एक्स हँडल हिंदुस्थानात ब्लॉक झाले आहे. हे हँडल ब्लॉक झाल्याने देशात पुन्हा एकदा पत्रकारिता आणि डिजिटल स्वातंत्र्याबाबत चर्चा होत आहेत. आता याबाबत केंद्र सरकारने निवेदन जारी केले आहे. आम्ही हे एक्स हँडल ब्लॉक करण्याबाबत कोणताही आदेश दिलेला नाही, असे केंद्राने स्पष्ट केले आहे.

केंद्र सरकारला रॉयटर्सचे हँडल ब्लॉक करण्याची गरज नाही. सरकारने याबाबत कुठलेही निर्देश दिलेले नाहीत. ही समस्या सोडवण्यासाठी आम्ही X सोबत सतत संपर्कात आहोत. रविवार सकाळपासून रॉयटर्सच्या एक्स हँडलवर कायदेशीर विनंतीला प्रतिसाद म्हणून हे खाते हिंदुस्थानात बंद करण्यात आले आहे, असा संदेश दिसत आहे. त्यामुळे याची चर्चा होत आहे. सरकारने X शी संपर्क साधून हा ब्लॉक काढून टाकण्यास सांगितले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.