अटलांटिकमध्ये थरार; वडिलांनी जीवावर उदार होत दाखवत मुलीला वाचवले

वडिलांनी मुलीसाठी जे धाडस दाखवलं, त्यानं लाखो लोकांची मनं जिंकलीत. ही घटना आहे विशाल अटलांटिक महासागरातील. 14-डेक डिज्नी क्रूझवरून एक लहान मुलगी अचानक समुद्रात कोसळली. चोहोबाजूंनी महाकाय लाटा उसळत होत्या.

आपल्या मुलीला डोळ्यांसमोर बुडताना पाहून वडिलांनी क्षणाचाही विचार न करता, थेट महासागरात उडी घेतली आणि थरारनाटय़ रंगले. ही घटना 29 जून रोजी घडली. डिज्नी ड्रीम नावाची ही लक्झरी क्रूझ बहामाजवरून फ्लोरिडा, फोर्ट लॉडरडेलकडे परत येत होती. व्हायरल व्हिडिओमध्ये दिसतंय की, समुद्राच्या मध्यभागी एक माणूस आणि एक मुलगी पाण्यात तरंगताना दिसतात. काही वेळात बचाव बोट त्यांच्यापर्यंत पोहोचते आणि त्यांना दोघांनाही सुखरूप वर खेचलं जातं. वडिलांनी तब्बल 20 मिनिटं आपल्या मुलीला पाण्यावर ठेवून तिला सांभाळलं. या व्हिडियोवर नेटीजन्स भरभरून प्रतिक्रिया देत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.