साईबाबांच्या दर्शनासाठी येणाऱया लाखो भक्तांच्या श्रद्धेचा गैरफायदा घेत त्यांची होणारी आर्थिक लूट थांबवण्यासाठी आता शिर्डीचे प्रशासन एकवटले आहे. दुकानदारांकडून प्रसाद, मूर्ती आणि इतर वस्तू अव्वाच्या सव्वा दराने विकल्या जात असल्याच्या वाढत्या तक्रारींची गंभीर दखल घेत शिर्डी नगरपरिषद, साई संस्थान आणि पोलीस विभागाने संयुक्तपणे कठोर पावले उचलली आहेत. याअंतर्गत शहरातील सर्व वस्तूंसाठी संदर्भदर निश्चित करण्यात आले असून, त्याचे पालन सर्व व्यावसायिकांसाठी बंधनकारक करण्यात आल्याची माहिती मुख्याधिकारी सतीश दिघे यांनी दिली.
या निर्णयामुळे एका बाजूला भक्तांची फसवणूक थांबेल, तर दुसऱया बाजूला प्रामाणिक व्यावसायिकांना दिलासा मिळणार आहे. नगरपरिषदेने ठराव करून व या व्यवसायातील तज्ञांचे मार्गदर्शन घेऊन या दरपत्रकास कायदेशीर मान्यता दिली आहे. या नव्या नियमांनुसार, प्रत्येक दुकानदार, हॉटेल, रेस्टॉरंट आणि इतर आस्थापनांना प्रशासनाने ठरवून दिलेले दरपत्रक दर्शनी भागात लावणे सक्तीचे आहे. या निर्णयाच्या अंमलबजावणीसाठी 15 जुलै 2025 पर्यंतची अंतिम मुदत देण्यात आली आहे.
.jpeg)
Comment List