पिंपरी-चिंचवड शहरातील विविध भागात रेल्वे मार्ग, नदी, चौक आणि महामार्गावर वाहतुकीच्या सोईसाठी 32 ठिकाणी पूल आणि उड्डाणपूल उभारले आहेत. यामधील दापोडीतील हॅरिस पुलाला तब्बल 130, चिंचवड येथील चिंचवड रेल्वे पुलाला 47 तर पिंपरीतील इंदिरा गांधी पुलाला 42 वर्षे झाल्याची बाब समोर आली आहे. हे तिन्ही पूल वाहतुकीसाठी धोकादायक झाल्यानंतर यांचे स्ट्रक्चरल ऑडिट (संरचनात्मक लेखापरीक्षण)करून दुरूस्ती करण्यात आली. त्यानंतर या पुलावरून वाहतूक सुरू करण्यात आली. मात्र, इंद्रायणी नदीवरील पुंडमळा येथील पूल दुर्घटना झाल्यानंतर महापालिका प्रशासन खडबडून जागे झाले. राज्य सरकारच्या आदेशनानंतर शहरातील सर्वच पूलांचे स्ट्रक्चरल ऑडिट करण्याचा निर्णय घेतला आहे.
पिंपरी-चिंचवड शहर 181 चौरस किलोमीटर क्षेत्रफळावर वसले आहे.शहराच्या चोहोबाजूस ये-जा करण्यासाठी तसेच, सुरळीत रहदारीसाठी महापालिकेने प्रशस्त रस्त्यांसोबत उड्डाणपूल बांधण्यास सुरूवात केली. 2004 मध्ये महापालिकेने निगडी, टिळक चौकातील पै. महापौर मधुकर पवळे हा पहिला उड्डाणपूल उभारला. त्यानंतर शहरातील पवना, मुळा आणि इंद्रायणी नदीवर अनेक ठिकाणी पूल बांधले आहेत. तसेच रेल्वे मार्ग, चौक आणि महामार्गावर उड्डाणपूलउ भारले आहेत.
.jpeg)
Comment List