लाचप्रकरणी अटकेत असलेला महापालिकेचा उपायुक्त वैभव विजय साबळे याची न्यायालयीन कोठडीत रवानगी करण्यात आली आहे, अशी माहिती लाचलुचपतचे उपअधीक्षक अनिल कटके यांनी दिली.
लाचलुचपत प्रतिबंधक विभागाने दिलेली माहिती अशी, तक्रारदार तानाजी रुईकर यांच्या कंपनीमार्फत घेण्यात आलेल्या 24 मजली इमारतीच्या बांधकाम परवाना मंजुरीसाठी उपायुक्त साबळे याने दहा लाखांच्या लाचेची मागणी केली. याबाबत 17 फेब्रुवारीला लाचलुचपत प्रतिबंधक विभागाकडे तक्रार दाखल केली होती. त्यानंतर 25 तारखेला पडताळणी करण्यात आली. पडताळणीत साबळे याने स्वतःसाठी लाचेची मागणी केल्याचे निष्पन्न झाले. तडजोडीअंती सात लाखांच्या लाचेची मागणी साबळे याने केल्याने सोमवारी कारवाई केली. साबळे याच्यावर भ्रष्टाचार प्रतिबंधक अधिनियमानुसार विश्रामबाग पोलीस ठाण्यात गुन्हा नोंद करण्यात आला.
दरम्यान, साबळे याला पोलीस कोठडी सुनावण्यात आली होती. यात त्याच्या सांगली आणि सातारा येथील घरांवर छापेमारी करण्यात आली आहे. काही महत्त्वाची कागदपत्रे तपासणी करण्यात आली. त्यानंतर आज पुन्हा न्यायालयासमोर हजर केले असता न्यायालयीन कोठडी सुनावण्यात आली आहे.
.jpeg)
Comment List