लेकाच्या भेटीसाठी लंडनची आस…सांगोला तालुक्यातील पवार दाम्पत्याचा मृत्यू

लेकाच्या भेटीसाठी सांगोला तालुक्यातील महादेव तुकाराम पवार (68) आणि त्यांच्या पत्नी आशा पवार ( 60) हे लंडनला निघाले होते. मात्र भयंकर अपघातात पवार दांपत्याचा मृत्यू झाला. लेकाच्या भेटीची आस पूर्ण झालीच नाही. दरम्यान, पवार दांपत्याच्या मृत्यूचे वृत्त समजताच त्यांच्या नातेवाईकांच्या आश्रूंचा बांध फुटला. गावात हळहळ व्यक्त होत आहे.

पवार दांपत्याचे मूळ गाव सांगोला तालुक्यातील हातीद आहे. सध्या ते गुजरातमधील खेडा जिह्यातील नडियाद गावात मुलगा रमेशकडे वास्तव्यास होते. महादेव पवार हे नडियाद येथील कापड मिलमध्ये काम करत होते. ते निवृत्त झाले होते. पवार दापत्याचा मोठा मुलगा शैलेश हा लंडनमध्ये आहे. त्याचा लंडनमध्ये बेकरीचा व्यवसाय आहे. मुलाला भेटण्यासाठी पवार दांपत्य लंडनला निघाले होते. मात्र काळाने त्यांच्यावर घाला घातला. विमान अपघातात त्यांचा मृत्यू झाला. अवघ्या पंधरा दिवसांपूर्वीच महादेव आणि आशा पवार हे दोघे त्यांच्या मूळ गावी हातीद येथे भावांना भेटण्यासाठी आले होते. या भेटीनंतर काही दिवसांतच त्यांच्यावर काळाने झडप घातल्याने हातीद गावावर शोककळा पसरली आहे.

चार मराठी कुटुंबांवर कोसळला दु:खाचा डोंगर; दोन क्रू मेंबरसह को-पायलट, एअर हॉस्टेसचा मृत्यू

Tags: Politics पुणे Pune राजकीय

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.