सासरच्या मंडळींकडून धर्मांतरणासाठी होणाऱ्या छळाला कंटाळून सात महिन्यांच्या गर्भवती विवाहित महिलेने आपल्या आयुष्याची अखेर केल्याचा धक्कादायक प्रकार घडला आहे. याप्रकरणी कुपवाड एमआयडीसी पोलिसांनी पतीसह सासू-सासरे या तिघांना अटक केली असून, न्यायालयाने त्यांना पोलीस कोठडी सुनावली आहे. ऋतुजा सुकुमार राजगे (वय 27) असे या विवाहित तरुणीचे नाव आहे. 6 जून रोजी ऋतुजाने तिच्या सासरच्या घरी गळफास घेत आपल्या आयुष्याची दोर कायमची कापली. यावेळी ती सात महिन्यांची गर्भवती होती.
पुण्यातील वैष्णकी हगवणे मृत्यू प्रकरणाने सध्या संपूर्ण राज्यात खळबळ उडाली आहे. मात्र, त्यानंतरही राज्यात सासरच्या छळाला कंटाळून आपला जीव संपवण्याच्या घटनांमध्ये घट झालेली नाही. दररोज अशा घटना समोर येत आहेत. हुंडय़ापायी व इतर कारणांसाठी सासरच्या जाचाला कंटाळून महिला टोकाचा निर्णय घेत आहेत. या पार्श्वभूमीवर सांगलीतील गर्भवती विवाहितेने केलेल्या आत्महत्येने खळबळ उडाली आहे.
सासरच्या मंडळींकडून ख्रिश्चन धर्म स्कीकारण्यासाठी होणाऱ्या छळाला कंटाळून ऋतुजा राजगे हिने आत्महत्या केल्याचा आरोप ऋतुजाचे कडील चंद्रकांत पाटील यांनी केला आहे. याप्रकरणी कुपकाड एमआयडीसी पोलीस ठाण्यामध्ये ऋतुजाचा पती सुकुमार राजगे, सासरे सुरेश राजगे आणि सासू अलका राजगे यांच्याकिरोधात गुन्हा दाखल करण्यात आला असून, तिघांनाही कुपकाड एमआयडीसी पोलिसांकडून अटक करण्यात आली आहे. न्यायालयाने सर्वांना पोलीस कोठडी सुनावली आहे.
Comment List