शहरातील नामवंत शिक्षण संस्थेत प्रवेशाचे आमीष, तसेच शैक्षणिक संस्थेच्या नावाने बनावट संकेतस्थळ तयार करणाऱया फरारी आरोपीला पुणे पोलिसांच्या गुन्हे शाखेने कोलकाता विमानतळावरून ताब्यात घेत अटक केली. कुणालकुमार बिरेंद्रकुमार विद्यार्थी असे अटक केलेल्याचे नाव आहे. न्यायालयाने त्याला गुरुवारपर्यंत पोलीस कोठडीत ठेवण्याचे आदेश दिले.
त्याने शैक्षणिक संस्थेच्या नावाने बनावट संकेतस्थळ तयार केले होते. संस्थेत प्रवेशाच्या आमिषाने विद्यार्थ्यांची फसवणूक केल्याप्रकरणी डेक्कन पोलीस ठाण्यात 2 एप्रिलला आरोपी कुणालकुमार विद्यार्थी, आकाश यादव आणि दिव्या यांच्याविरुद्ध गुन्हा दाखल झाला होता. पोलिसांनी त्यांच्याविरोधात लूकआऊट नोटीस बजावली होती. मूळचा बिहारचा रहिवाशी असलेल्या आरोपी विद्यार्थीविरुद्ध 2021 मध्ये सायबर पोलीस ठाण्यात गुन्हा दाखल होता. न्यायालयाने त्याचा अटकपूर्व जामीन अर्ज फेटाळला होता.
z पुणे पोलिसांच्या गुन्हे शाखेने त्याला पकडण्यासाठी पथके तयार केली होती. पुणे, मुंबई, दिल्लीत त्याचा शोध घेण्यात आला होता. त्यानंतर विद्यार्थी पत्नीसह थायलंडला निघाला असून, तो कोलकाता विमानतळावर येणार असल्याची माहिती गुन्हे शाखेच्या अमली पदार्थ विरोधी पथकाला मिळाली. पथकाने कोलकाता विमानतळ परिसरात सापळा रचून त्याला पकडले.
Comment List