वीर जवान संदीप गायकर यांना शासकीय इतमामात अखेरचा निरोप

जम्मू-कश्मीरमधील तिसवाड सेक्टर येथे सर्च ऑपरेशनदरम्यान दहशतवाद्यांशी झालेल्या चकमकीत शहीद झालेले अकोले तालुक्यातील ब्राह्मणवाडा गावचे सुपुत्र, वीर जवान शहीद संदीप पांडुरंग गायकर यांच्या पार्थिवावर त्यांच्या मूळ गावी शासकीय इतमामात अंत्यसंस्कार करण्यात आले. यावेळी ‘भारत माता की जय’, ‘शहीद जवान संदीप गायकर अमर रहे’ च्या घोषणांनी परिसर दणाणून गेला होता.

शहीद जवान संदीप गायकर (32) लष्कराच्या 15 मराठा लाईट इन्फंट्रीमधील 17 राष्ट्रीय रायफल्समध्ये कार्यरत होते. तिसवाड सेक्टर येथे दहशतवाद्यांशी झालेल्या चकमकीत कर्तव्य बजावत असताना त्यांना वीरमरण आले. आज (दि. 24) सकाळी त्यांचे पार्थिव मूळ गावी ब्राह्मणवाडा येथे आणण्यात आले. लष्कर व स्थानिक प्रशासनाच्या उपस्थितीत शासकीय इतमामात अंत्यसंस्कार करण्यात आले. मुलगा रिहांश याने पार्थिवाला मुखाग्नी दिला. वीर जवान संदीप यांच्या पश्चात वडील, आई, पत्नी व मुलगा असा परिवार आहे.

Tags: Politics पुणे Pune राजकीय

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.