‘हेरा फेरी ३’ चित्रपटावरून सुरू असलेल्या वादामुळे संपूर्ण चित्रपटसृष्टीत खळबळ उडाली आहे. दिग्दर्शक प्रियदर्शनचा हा चित्रपट अभिनेता परेश रावलने सोडला आहे. तेव्हापासून वाद सुरू झाला. असे म्हटले जात आहे की परेशने चित्रपटासाठी 25 कोटी रुपये फी मागितली होती, परंतु निर्मात्यांनी नकार दिल्यानंतर परेशने चित्रपट सोडला. चित्रपट सोडल्यानंतर अक्षय कुमारने 25 कोटी रुपयांच्या नुकसानभरपाईची कायदेशीर नोटीसही दिली आहे. कारण हा चित्रपट त्यांच्या ‘केप ऑफ गुड फिल्म्स’ या प्रॉडक्शन हाऊस अंतर्गत बनवला जाणार आहे. आता परेश रावल यांच्या पत्नी आणि अभिनेत्री स्वरूप संपत यांनी या वादावर मौन सोडले आहे.
हेरा फेरी आणि त्यानंतर प्रदर्शित झालेला ‘फिर हेरा फेरी’, हे दोन्ही चित्रपट सुपर डुपर हिट ठरले आहेत. यामध्ये अक्षय कुमार आणि सुनील शेट्टी यांच्यासोबत परेश रावल यांनी महत्त्वाची भूमिका बजावली आहे. त्यांचे ‘बाबुराव गणपत आपटे’ हे पात्र प्रेक्षकांना खूप आवडले आहे. या पात्राबद्दल स्वरूप संपत म्हणाल्या, “तुम्ही मला वैयक्तिकरित्या विचारले तर बाबुरावांचा पर्याय असू शकत नाही. आता तुम्ही म्हणाल की मी हे सांगत आहे कारण मी त्यांची पत्नी आहे, पण हे सत्य आहे.”
स्वरूप संपत यांना हेरा फेरी 3 च्या वादाबद्दल विचारण्यात आले तेव्हा त्यांनी माफी मागितली. दैनिक भास्करशी झालेल्या संभाषणात त्यांना विचारण्यात आले की, “आजकाल जे काही चालले आहे, त्यावर चाहते खूप नाराज आहेत आणि सत्य काय आहे हे जाणून घेऊ इच्छितात?” यावर परेश रावल यांच्या पत्नी म्हणाल्या, “मी याबद्दल काहीही सांगू शकत नाही. मला खरोखर काहीही माहित नाही. माफ करा.
Comment List