IPL 2025 – अगदी थाटात! सुदर्शन आणि गिलचा विध्वंस, दिल्लीचा धुव्वा उडवत गुजरातली प्लेऑफमध्ये एन्ट्री

दिल्लीच्या अरुण जेटली स्टेडियमवर साई सुदर्शन आणि शुभमन गिल यांनी धुवाँधार फलंदाजी करत गोलंदाजांच्या अक्षरश: चिंध्या केल्या. चेंडू टाकावा कुठे? या प्रश्नाचं उत्तर दिल्लीच्या गोलंदाजांना सामना संपेपर्यंत काही सापडलं नाही. दिल्लीने दिलेले 200 धावांच आव्हान गुजरातने अगदी थाटात एकही विकेट न गमावता पूर्ण केलं. साई सुदर्शनने 61 चेंडूंमध्ये 12 चौकार आणि 4 षटकारांच्या मदतीने 108 धावांची नाबाद खेळी केली. तर, कर्णधार शुभमन गिलनेही आपले हात धुवून घेत 53 चेंडूंमध्ये 3 चौकार आणि 7 षटकारांच्या मदतीने 93 धावा चोपून काढल्या. दोघांनी केलेल्या खेळीमुळे 19 व्या षटकातच गुजरातने आव्हानाचा यशस्वी पाठलाग केला. या विजयासह गुजरातचा प्लेऑफमधील प्रवेश जवळपास निश्चित झाला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.