पाकिस्तानला नाणेनिधीकडून एक अब्ज डॉलर्सची खिरापत; हप्ता मंजूर, हिंदुस्थानचा विरोध

आंतरराष्ट्रीय नाणे निधीने पाकिस्तानला एक्सटेंडेड फंड फॅसिलिटी (ईएफएफ) कर्जाचा हप्ता म्हणून 1 अब्ज डॉलर्स व रेझिलियन्स अॅण्ड सस्टेनेबिलिटी फॅसिलिटी (आरएसएफ) अंतर्गत 1.3 अब्ज डॉलर्सचा हप्ता शुक्रवारी मंजूर केला. याला तीव्र विरोध करत हिंदुस्थान याच्या मतदानापासून दूर राहिला व मतभिन्नता नोंदवली.

या पैशांचा वापर पाकिस्तान दहशतवादी कारवायांसाठी करू शकतो. पाकचा ट्रक रेकॉर्डही खराब आहे, असा दावा करणारे प्रसिद्धिपत्रक हिंदुस्थानने जारी केले आहे. गेल्या अनेक वर्षांपासून पाकिस्तान आयएमएफकडून कर्ज घेत आहे. कर्ज देताना लादलेल्या अटींचे पाकने वारंवार उल्लंघन केले आहे. पाकिस्तान लष्करी कारवायांमध्ये गुंतलेला आहे. लष्कराचा पाकमधील आर्थिक धोरणातही हस्तक्षेप असतो. त्यामुळेच पाकची आर्थिक प्रगती होत नाही, असेही हिंदुस्थानने प्रसिद्धी पत्रकात नमूद केले आहे.

कर्जाचा डोंगर

– वारंवार बेलआऊटमुळे पाकवर कर्जाचा डोंगर आहे. बेलआऊटची संधी देण्यापूर्वी नाणे निधीने त्या देशाची तथ्ये विचारात घेतली पाहिजे, असे आवाहनही हिंदुस्थानने केले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.