मुंबई महानगरपालिका अनधिपृत आणि अतिक्रमण करून बांधलेल्या इमारतींविरोधात कठोर कारवाई सुरू केली असून आज के पश्चिम विभागात येणा-या वेसावे येथे पाच बहुमजली इमारतींवर तोडकामाची कारवाई केली. आणखी 35 अनधिपृत बांधकामांवरही कारवाई केली जाणार आहे, असे मुंबई महापालिकेच्यावतीने सांगण्यात आले.
वेसावे भागातील पर्यावरणाच्या दृष्टीने संवेदनशील असलेल्या दलदलीच्या प्रदेशावर आणि सागरी किनारा व्यवस्थापन क्षेत्रात (कोस्टल रेग्यूलेशन झोन) अनधिपृत बांधकामे करण्यात आली होती. याबाबत संबंधितांना वेळोवेळी नोटीस बजावून बांधकाम तोडण्यास सांगण्यात आले होते. मात्र, त्यांच्याकडून काही कारवाई करण्यात न आल्याने तसेच दलदलीच्या क्षेत्रातील या अनधिपृत बांधकामांमुळे जीवितहानी होण्याची शक्यता असल्याने पालिका उपायुक्त (परिमंडळ-4) भाग्यश्री कापसे आणि के पश्चिमचे साहायक आयुक्त चक्रपाणी अल्ले यांच्या नेतृत्वात ही कारवाई करण्यात आली. 5 हँड ब्रेकर, 8 गॅस कटर तसेच 8 जनरेटरच्या सहाय्याने इमारतीचे पाडकाम करण्यात आले.
या इमारतींवर झाली कारवाई
वेसावे भागातील सागरी किनारा व्यवस्थापन क्षेत्रातील (कोस्टल रेग्यूलेशन झोन) तेरे गल्लीतील पुटूर हाऊस (तळमजला +5), वेसावे पंप हाऊससमोरील साईश्रद्धा निवास (तळमजला +1), गोमा गल्ली येथील नागा हाऊस (तळमजला +4), मांडवी गल्ली येथील झेमणे हाऊस (तळमजला +3), बाजार गल्ली येथील गणेश सागर (तळमजला +3) या इमारतींवर करावाई करण्यात आली.
Comment List