संत तुकाराम महाराज सदेह वैकुंठगमन सोहळा बिजोत्सव त्रिशतकोत्तर अमृतमहोत्सव वर्षपूर्ती सोहळ्याची सांगता आणि 376 वा बीज सोहळा हरिनाम गजरात येत्या रविवारी देहूत साजरा होत आहे. या निमित्त राज्य परिसरातून वारकरी, भाविक, फडकरी आणि संपूर्ण राज्य परिसरात ठीक ठिकाणी झालेल्या अखंड हरिनाम सप्ताहातील मान्यवर या सोहळ्यास मोठय़ा संख्येने उपस्थित राहणार आहेत. अशी माहिती श्री संत तुकाराम महाराज संस्थानचे अध्यक्ष पुरुषोत्तम महाराज मोरे यांनी पत्रकार परिषदेत दिली.
रविवार बीज सोहळ्यादिनी श्री क्षेत्र देहूत विविध धार्मिक कार्यक्रम प्रथा परंपरांचे पालन करीत होणार आहेत. यामध्ये पहाटे तीन वाजता काकडा, पहाटे चार वाजता देवस्थानचे अध्यक्ष, विश्वस्त मंडळ यांच्या हस्ते श्रींची पूजा, शिळा मंदिर महापूजा वंशज देहू/वारकरी यांच्या हस्ते होईल. पहाटे सहा वाजता वैकुंठ गमन स्थान येथे पूजा, सकाळी साडेदहा वाजता श्रींची पालखी वैकुंठ गमन स्थान कडे हरिनाम गजरात मार्गस्थ होईल.
.jpeg)
Comment List