प्रदूषणमुक्त आणि पर्यावरणपूरक इलेक्ट्रिक वाहन खरेदीला पुणेकरांनी पसंती दिली असून 2024 या वर्षभरात पुणे आरटीओ कार्यालयात तब्बल 92 हजार 402 इलेक्ट्रीक वाहनांची नोंद करण्यात आली. 2023 साली हा आकडा ३३ हजार 960 एवढा होता. त्यामुळे गेल्यावर्षी ‘ई- वाहन’ खरेदीत 60 हजारांनी म्हणजेच तिपटीने वाढ झाल्याचे स्पष्ट झाले आहे.
पारंपरिक इंधनाला हरित इंधनाचा पर्याय निर्माण करण्यासाठी देशभरात विविध प्रयत्न केले जात आहेत. यातच राज्य शासनाने इलेक्ट्रिक वाहन खरेदीला प्रोत्साहन देण्यासाठी इलेक्ट्रिक वाहन धोरण मंजूर केले. या अंतर्गत इलेक्ट्रिक वाहनधारकांना खरेदीवर विविध सवलती देण्यात येत आहेत. यामध्ये वाहन नोंदणीमध्ये आर्थिक सूट, टोलनाका आदींवर ई-वाहनधारकांना सवलत दिली जाते. यातच इंधनाचे गगनाला भिडलेले दर, यामध्ये सातत्याने होणारी वाढ या पार्श्वभूमीवर नागरिक देखील इलेक्ट्रिक वाहन खरेदी करीत आहेत. पुणे प्रादेशिक परिवहन कार्यालयाने दिलेल्या माहितीनुसार मागील पाच वर्षांत इलेक्ट्रिक वाहन खरेदीत मोठ्या प्रमाणात वाढ झाली आहे. गतवर्षीय ई-वाहन खरेदीत मोठी वाढ झाली. 2023 साली पुण्यात 33 हजार 960 ई- वाहनांची नोंदणी झाली. यात 30 हजार 459 दुचाकी, तर 2 हजार 212 कारचा समावेश आहे. 138 बस आणि इतर अन्य वाहने आहेत. 2024 मध्ये वर्षभरात तब्बल 92 हजार 402 वाहनांची नोंद झाली. यात 82 हजार 228 दुचाकी, तर 6 हजार 675 कार, 630 बस आणि इतर अन्य वाहने आहेत.
पेट्रोल, डिझेल अन् सीएनजीदेखील महागला
■ पेट्रोल, डिझेलच्या दरात वाढ होत असतानाच पर्यावरणपूरक आणि तुलनेने स्वस्त असणाऱ्या सीएनजी गॅसदरातदेखील मागील काही महिन्यांपासून सातत्याने वाढ होत आहे. गत सहा महिन्यांत टप्प्याटप्प्याने सीएनजी दरात प्रतिकिलो साडेपाच रुपयांची वाढ झाली असून सद्यःस्थितीला 89 रुपये किलोने सीएनजी उपलब्ध आहे.
.jpeg)
Comment List