पुणे स्टेशनवर बांगलादेशी घुसखोर तरुणीला पकडले

बांगलादेशी घुसखोर तरुणीला बंडगार्डन पोलिसांनी पुणे रेल्वे स्थानक परिसरातून ताब्यात घेतले. संबंधित तरुणीवर बंडगार्डन पोलीस ठाण्यात गुन्हा दाखल करण्यात आला आहे. मुसलमिया अब्दुल अजिज प्यादा (वय 27, रा. बांगलादेश) असे गुन्हा दाखल झालेल्या तरुणीचे नाव आहे. मुसलमिया मंगळवारी सायंकाळी पुणे रेल्वे स्थानकातील फलाट क्रमांक सहाजवळ असलेल्या रिक्षाथांब्याजवळ थांबली होती. पोलिसांच्या पथकाला संशय आल्याने तिची चौकशी केली असता ती बांगलादेशातून आल्याची माहिती मिळाली. तिच्याकडे पारपत्र, तसेच हिंदुस्थानात प्रवेश करण्याबाबतची अधिकृत कागदपत्रे नसल्याचे उघडकीस आले आहे.

Tags: Politics पुणे Pune राजकीय

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.