शरद पवार यांच्यावर अत्यंत खालच्या स्तरावर जाऊन टीका करणाऱया सदाभाऊ खोत यांच्यावर अजित पवार गटाचे माजी आमदार विलास लांडे यांनी सदाभाऊ खोत यांच्याच भाषेत जहरी टीका केली आहे. सदाभाऊ खोत हा भाजपने पाळलेला कुत्रा आहे, अशा शब्दांत लांडे यांनी खोत यांच्यावर निशाणा साधला. 84 वर्षीय शरद पवार यांच्यावर प्रचाराच्या सभेत बोलताना सदाभाऊ खोत यांनी अत्यंत खालच्या स्तरावर जाऊन आक्षेपार्ह विधान केले होते. सदाभाऊ खोत यांच्या विधानानंतर स्वतः अजित पवार यांनीसुद्धा नाराजी व्यक्त केली होती. शरद पवार यांच्यावरील यासारखी वक्तव्ये खपवून घेतली जाणार नाहीत, असा इशारा अजित पवार यांनी दिला होता. त्यानंतर माजी आमदार विलास लांडे यांनी भोसरी पोलीस ठाण्यात तक्रार दिली आहे.
.jpeg)
Comment List