मुखेड-कंधार मतदारसंघात महायुतीमध्ये बंडखोरी उफाळली आहे. भाजपने विद्यमान आमदार तुषार राठोड यांना उमेदवारी देताच मुख्यमंत्र्यांचे माजी खासगी सचिव बालाजी पाटील खतगावकर यांनी अपक्ष उमेदवारीची घोषणा केली. दरम्यान, भाजप नेते माजी जिल्हाध्यक्ष व्यंकटराव पाटील गोजेगावकर, अशोकराव पाटील रावीकर, गुणवंत पाटील हंगरगेकर यांच्यासह अनेक भाजपा कार्यकर्त्यांनी खतगावकर यांचा प्रचार करणार असल्याचे म्हटले आहे.
मुख्यमंत्री एकनाथ शिंदे यांचे माजी खासगी सचिव बालाजी पाटील खतगावकर यांनी शासकीय पदाचा राजीनामा देऊन चार महिन्यांपूर्वी शिवसेना मिंधे गटात प्रवेश करून मुखेड-कंधार विधानसभा मतदारसंघावर दावेदारी ठोकली होती. तसेच मुखेड शहरात कार्यालय थाटून प्रचारही सुरू केला होता. अनेक मोठमोठे कार्यक्रम घेतले. मुख्यमंत्र्यांशी जवळचे संबंध असल्याने उमेदवारी मिळेल, असा खतगावकर यांचा कयास होता. तर दुसरीकडे भाजपचे विद्यमान आमदार तुषार राठोड गटात अस्वस्थता पसरली होती. राठोड यांनी खतगावकरांच्या प्रचाराची मुख्यमंत्री व फडणवीस यांच्याकडे तक्रार केली होती. महायुतीने भाजपचे राठोड यांना उमेदवारी जाहीर करताच खतगावकर यांनी कार्यकर्त्यांच्या मेळाव्यात आमदार राठोड यांनी तालुक्याचा कुठलाही विकास केला नसल्याची टीका करत अपक्ष लढण्याची घोषणा केली.
.jpeg)
Comment List