पोलीस अलर्ट; अहिल्यानगरमध्ये 12 ठिकाणी नाकाबंदी

विधानसभा निवडणुकीच्या पार्श्वभूमीवर जिल्हा पोलीस दल सतर्क झाले असून, जिल्ह्याच्या सीमा असलेल्या भागांत 12 ठिकाणी नाकाबंदी (चेकपोस्ट) करण्यात आली आहे.

निवडणुकीच्या काळात अमली पदार्थ, मोठी रोकड, अवैध मद्य, शस्त्र्ाs यांचा जिह्यात पुरवठा होण्याची शक्यता गृहीत धरून संशयित वाहनांची 24 तास तपासणी केली जात आहे. 20 नोव्हेंबरपर्यंत हे चेकपोस्ट सुरू राहणार असल्याचे पोलीस प्रशासनाकडून सांगण्यात आले.

अहिल्यानगर जिल्ह्यातील 12 विधानसभा मतदारसंघांसाठी 20 नोव्हेंबर रोजी मतदान होणार आहे. या पार्श्वभूमीवर जिल्हा पोलीस ‘अलर्ट’ झाले आहेत. निवडणुकीमध्ये कायदा व सुव्यवस्था अबाधित ठेवण्यासाठी पोलिसांनी कंबर कसली आहे. निवडणुकीच्या अनुषंगाने प्रतिबंधात्मक कारवाईचा आराखडा तयार करण्यात आला आहे. त्यानुसार कारवाई करण्यात येत आहे. तसेच आचारसंहितेचे पालन करण्यासाठी विविध पथके नियुक्त केली आहेत. पोलीस ठाणे हद्दीत नाकाबंदी, गस्त घालून व विशेष मोहीम राबवून जास्तीत जास्त करवाई करण्याचे आदेश पोलीस अधीक्षक राकेश ओला यांनी सर्व प्रभारी अधिकाऱयांना दिले आहेत.

बाहेरच्या जिल्ह्यांतून नगर जिल्ह्यात अमली पदार्थ, मोठी रोकड, अवैध मद्य, अग्निशस्त्र्ाs येण्याची शक्यता गृहीत धरून जिह्याच्या सीमा असलेल्या भागांत 12 ठिकाणी चेकपोस्ट उभारण्यात आले आहेत. पोलिसांकडून वाहनांची कसून तपासणी केली जात आहे. चेकपोस्टच्या ठिकाणी राहुटी लावण्यात आली असून, त्या ठिकाणी एक पोलीस अधिकारी व तीन अंमलदार तैनात आहेत.

वायरलेस यंत्रणा तैनात

n वायरलेस संदेश यंत्रणाही बसविण्यात आलेली आहे. नाकाबंदीच्या ठिकाणी स्वतः पोलीस अधीक्षक ओला, अपर पोलीस अधीक्षक प्रशांत खैरे, सर्व पोलीस उपअधीक्षक यांच्यासह पोलीस ठाण्याचे प्रभारी अधिकारी भेटी देत आहे. नाकाबंदीदरम्यान अवैध मद्य, अमली पदार्थ, रोकड किंवा शस्त्र्ाs सापडल्यास संबंधित व्यक्तींवर कायदेशीर कारवाई करण्यात येत आहे.

नाकाबंदी करण्यात आलेली ठिकाणे (कंसात पोलीस ठाणे)

n कऱहेटाकळी (शेवगाव), मिडसांगवी (पाथर्डी), साकत नाका (जामखेड), खेड (कर्जत), सुपा टोलनाका (सुपा), टाकळी ढोकेश्वर (पारनेर), काष्टी (श्रीगोंदा), नाऊर (श्रीरामपूर तालुका), कर्हे घाट (संगमनेर तालुका), आळे खिंड (घारगाव), येसगाव फाटा (कोपरगाव तालुका) व प्रवरा संगम (नेवासा).